Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FRÉTTIR 2005

Fréttir

17. maí 2005

Vortónleikar Tónvers TK

Árlegir vortónleikarnir Tónvers Tónlistarskóla Kópavogs verða haldnir í Salnum fimmtudaginn 19. maí kl. 20:00. Frumflutt verða rafskotin tónverk eftir nemendur Tónversins og er óhætt að lofa fjölbreyttri lagaflóru. Ekki verða einungis flutt venjuleg tvívíð (stereo) verk heldur einnig fjórvíð (surround) verk sem umlykja hlustandann algjörlega.

Tónver Tónlistarskóla Kópavogs hefur á undanförnum árum skapað sér nafn sem helsta uppeldisstöð íslenskra tölvutónlistarmanna. Þar hefur farið í gegn stór hluti af yngri tölvutónlistarmönnum Íslands. Á þessum tónleikum er því kjörið tækifæri til að spá í framtíðina í geiranum og kynnast komandi kynslóðum.

Aðgangur að tónleikunum er ókeypis og allir eru velkomnir.

[ Til baka á Fréttir 2005 ]