Úr aðalnámskrá tónlistarskóla:

Mennta- og menningarhlutverk tónlistarskóla er að

27. maí 2005

Burtfarartónleikar Ingunnar Loftsdóttur, flautuleikara

Mánudaginn 30. maí nk. kl. 20.00 heldur Ingunn Loftsdóttir, flautuleikari, burtfarartónleika frá Tónlistarskóla Kópavogs í Salnum og eru tónleikarnir jafnframt síðasti hluti framhaldsprófs hennar við skólann. Með Ingunni á tónleikunum leikur Sólveig Anna Jónsdóttir á píanó og sembal. 

Ingunn Loftsdóttir

"Ég er fædd 1983 og hóf tónlistarnám við Tónlistarskóla Kópavogs þegar ég var 8 ára gömul. Við tíu ára aldur hóf ég þverflautunám hjá Martial Nardeau sem var aðal kennarinn minn í tíu ár en síðastliðin tvö ár hef ég notið leiðsagnar Guðrúnar Birgisdóttur. Þá spilaði ég með Skólahljómsveit Kópavogs í fjögur ár frá 14 ára aldri undir stjórn Össurar Geirssonar og hafði gagn og gaman af. Á þeim fjórtán árum sem ég hef stundað tónlistarnám við Tónlistarskóla Kópavogs hef ég tekið þátt í mörgum samleiksverkefnum og nú síðast lék ég með Sinfóníuhljómsveit tónlistarskólanna sem var frábært tækifæri. Einnig hefur mér hlotnast sá heiður að fá að kenna við Tónlistarskóla Kópavogs frá því í janúar síðastliðinn og hefur það verið gefandi starf.

Í desember 2002 lauk ég stúdentsprófi frá Menntaskólanum við Hamrahlíð og stunda nú nám við Verkfræðideild Háskóla Íslands þar sem ég hef lokið tveimur árum við Umhverfis-og byggingaverkfræðiskor.

Ég vil að lokum þakka öllu því frábæra fólki sem hefur á einhvern hátt komið að tónlistarnámi mínu, hvort sem það eru foreldrar mínir sem hafa styrkt mig öll þessi ár eða allt það yndislega fólk sem starfar við þennan góða skóla, ég dáist að þolinmæði ykkar! Takk fyrir mig."

IL

Efnisskrá

• Jean-Marie Leclair
  Sónata í G-dúr
  - Dolce
  - Allegro ma non troppo
  - Aria
  - Giga
   
• Karólína Eiríksdóttir
  SPOR, kafli II
   
  Hlé
 
• Camille Saint-Saëns
  Romance op. 37
   
• Georges Enescu
  Cantabile et Presto

Aðgangur að tónleikunum er ókeypis og eru allir velkomnir meðan húsrúm leyfir.

[ Til baka á Fréttir 2005 ]