Námsgreinar í tölvutónlist

Miðað er við að námstími í tölvutónlist sé 1-3 ár. Nemendur ljúka hverri önn með tónsmíðum eða útsetningum, sem fluttar verða á sjálfstæðum tónleikum í lok annar.

Námsgreinar eru þessar:

• Nótnaritun með tölvu
• Inngangsfræði
• Tónlistarvinnsla og tónsmíðar
• Hljóðhönnun
• Hljómfræði
• Tónheyrn
• Tónlistarsaga

Nótnaritun með tölvu

Þessi grein skiptist niður á tvær annir og er nemanda frjálst að velja fyrri eða báðar annirnar. Þarf nemandi að tilkynna framhald í lok fyrri annar.

Fyrsta önn: Kennt að nota nótnaskriftarforritið Sibelius og stefnt að því að nemendur geti skrifað einföld sönglög og kammerverk í lok annar.

Önnur önn: Farið í flóknari hluti í Sibelius. Önnur forrit (t.d. Finale) kynnt fyrir nemendum. Kennt að færa upplýsingar á milli nótnaskriftarforrita og annara forrita, auk fleira sem að gagni kemur.

Lokaverkefni: Sjálfstætt verkefni s.s. hljómsveitarpartitúr eða tóndæmi í ritvinnslu.

Inngangsfræði

Tvær annir: Farið verður yfir sögu raf- og tölvutónlistar með tóndæmum, auk þess sem byggð verður upp fræðileg undirstaða þess sem kennt er í öðrum greinum tölvutónlistar.

Tónlistarvinnsla - Tónsmíðar

Hér er farið yfir það svið tölvutónlistar sem byggir á því að nota midi-tækni til að láta tölvu stjórna tólum og tækjum.

Fyrsta önn: Kennd er notkun á "editorum" og "sekvenserum", kynnt grundvallaratriði í hljóðupptökum og farið í notkun tölvu við tónsmíðar.

Verkefni: Eigin tónsmíð eða útsetning (allar stefnur og straumar leyfileg), þar sem kemur fram hæfni og skilningur á notkun tækja og hugbúnaðar tónversins.

Önnur önn: Sjálfstætt verkefni, auk þess sem "sampling" tækni bætist við.

Hljóðhönnun

Hér er farið yfir það svið tölvutónlistar sem byggir á því að vinna hljóðmerki beint í tölvunni sjálfri.

Fyrsta önn: Kennd eru undirstöðuatriði í hljóðhönnun þar sem tölvan er annars vegar notuð til að mynda hljóð frá grunni eða til að meðhöndla áður tilbúin hljóð á margvíslegan hátt.

Önnur önn: Sjálfstætt verkefni þar sem kemur fram skilningur á meðferð hljóðs auk þess sem kennt verður hvernig hreinsa á gamlar upptökur og fleira.

Hljómfræði

Nemendur þurfa að stunda nám í almennri hljómfræði ásamt námi við TTK. Þar sem fullt nám í hljómfræði tekur lengri tíma en námið við TTK, er ekki ætlast til að henni sé lokið, heldur að hún sé stunduð á meðan námi í TTK stendur.

Tónheyrn

Nemendur þurfa að stunda nám í tónheyrn ásamt námi við TTK. Þar sem fullt nám í tónheyrn tekur lengri tíma en námið við TTK, er ekki ætlast til að henni sé lokið, heldur að hún sé stunduð á meðan námi í TTK stendur.

Tónlistarsaga

Nemendur þurfa að stunda nám í almennri tónlistarsögu ásamt námi við TTK. Þar sem fullt nám í tónlistarsögu tekur lengri tíma en námið við TTK, er ekki ætlast til að henni sé lokið, heldur að hún sé stunduð á meðan námi í TTK stendur.