9. desember 2021

Nú skal haldið til Rómar

Nú er komið að síðasta hluta Erasmus+ verkefnis Tónlistarskóla Kópavogs og Conservatorio di Santa Cecilia í Róm. Sautján nemendur skólans, sem allir eru í framhaldsnámi, munu halda til Ítalíu næstkomandi laugardag. Í Róm munu nemendurnir halda þrenna tónleika. Nánar tiltekið verður spilað í Chieda Santa Lucia sunnudaginn 12. desember, í Sala Accademica Conservatorio Santa Cecilia mánudaginn 13. deember og í Orartorio dei Gonfaloni þriðjudaginn 14. desember. Stjórnendur verkefnisins af hálfu tónlistarskólans eru Pamela De Sensi og Eydís Franzdóttir. Ásdís Hildur Runólfsdóttir, sem hefur tekið þátt í þjálfun nemendanna, mun einnig fylgja hópnum.

Á myndinni hér að ofan má sjá nemendahópinn á tónleikum í Salnum sem haldnir voru í lok nóvember til undirbúnings ferðinni. Stjórnandi var Pamela De Sensi.

30. október 2021

Nýtt símanúmer

Vakin er athygli á nýju símanúmeri skólans. Nýtt símanúmer er 578 5700.

30. október 2021

Skólatónleikar á mánudag

Skólatónleikar verða haldnir í Salnum mánudaginn 1. nóvember kl. 19:30. Aðgangur að tónleikunum er ókeypis og eru allir velkomnir.

20. október 2021

Vetrarfrí á mánudag og þriðjudag

Vakin er athygli á því að vetrarfrí verður í tónlistarskólanum á mánudag og þriðjudag (25. og 26. október) eins og í grunnskólum í Kópavogi.

5. september 2021

Nokkur pláss laus

Skólinn getur bætt við sig nokkrum nemendum í rytmískum og klassískum söng. Einnig eru örfá pláss laus í námi á selló og kontrabassa.

Biðlistar eru á flest önnur hljóðfæri.

Skrifstofa skólans veitir allar nánari upplýsingar.

20. ágúst 2021

Fyrsti kennsludagur

Nýtt starfsár Tónlistarskóla Kópavogs er að hefjast og verður fyrsti kennsludagur föstudagurinn 27. ágúst. Með tilliti til takmarkana á samkomuhaldi verður engin skólasetning að þessu sinni, en kennarar munu hafa samband og boða nemendur í sína fyrstu tíma.

Nemendur eru vinsamlegast beðnir að senda stundaskrár sínar úr almennu skólunum á netfangið tonlistarskoli@tonlistarskoli.is eða skila þeim á skrifstofu skólans sem allra fyrst.

25. júní 2021

Sumarlokun skrifstofu

Skrifstofa Tónlistarskóla Kópavogs verður opnuð eftir sumarleyfi þriðjudaginn 10. ágúst 2021. Skólasetning verður fimmtudaginn 26. ágúst.

25. mai 2021

Framhaldsprófstónleikar Guðrúnar Eddu Gunnarsdóttur

Í dag, þriðjudaginn 25. maí, kl. 20:00 mun Guðrún Edda Gunnarsdóttir, nemandi í Tónverinu, halda tónleika í Salnum. Tónleikarnir eru lokahluti framhaldsprófs hennar í raftónlist frá Tónlistarskóla Kópavogs. Á tónleikunum verða flutt fjölbreytt verk eftir Guðrúnu Eddu. Aðgangur að tónleikunum er ókeypis og eru allir velkomnir.

28. febrúar 2021

Tvennir skólatónleikar í vikunni

Tvennir skólatónleikar verða haldnir í Salnum í vikunni. Þeir fyrri verða mánudaginn 1. mars kl. 19:30. Síðari tónleikarnir verða miðvikudaginn 3. mars kl. 18:00.

Vegna tilskakana á sóttvarnarreglum verður nú mögulegt að taka á móti tónleikagestum. Ætlast verður til þess að gestir skrái nafn sitt og kennitölu við inngang Salarins. Aðgangur að tónleikunum er ókeypis og eru allir velkomnir.