19. desember 2022

Skólatónleikar í dag og á morgun

Tvennir skólatónleikar verða haldnir í Salnum í dag, mánudaginn 19. desember, og hefjast fyrri tónleikarnir kl. 18:00 og þeir síðari kl. 19:30. Á morgun, þriðjudaginn 20. desember, leika strengjasveitir skólans og kammersveit á tónleikum í Salnum sem hefjast kl.18:30.

Aðgangur að öllum tónleikunum er ókeypis og eru allir velkomnir.

15. desember 2022

Blásarakvartett frumflytur nýtt verk

Tréblásarakvartett, skipaður nemendum úr Tónlistarskóla Kópavogs, þeim Hrefnu Völu Kristjánsdóttur, þverflautuleikara, Arnaldi Kára Sigurðssyni, óbóleikara, Arnhildi Káradóttur, klarinettleikara og Guðjóni Daníel Bjarnasyni, fagottleikara, frumflutti í gær nýtt íslenskt tónverk, Skógarleik eftir Valgerði Jónsdóttur. Flutningurinn var hluti af dagskrá Ómkvarnarinnar, tónlistarhátíðar tónsmíðanema við Listaháskóla Íslands. Verkinu var vel tekið og vilji er fyrir frekara samstarfi á milli skólanna á næstu misserum.

5. desember 2022

Skólatónleikar í vikunni

Skólatónleikar verða haldnir í Salnum í dag, mánudaginn 5. desember, kl. 19:30, og á morgun, þriðjudaginn 6. desember, kl. 18:00.

Tónleikar rytmískru deildarinnar verða haldnir í Fríkirkjunni Kefas á morgun, þriðjudaginn 6. desember, kl. 18:00.

Aðgangur að öllum tónleikunum er ókeypis og eru allir velkomnir.

27. nóvember 2022

Tvennir skólatónleikar í vikunni

Skólatónleikar verða haldnir í Salnum á morgun, mánudaginn 28. nóvember, kl. 19:30, og á þriðjudaginn 29. nóvember, kl. 18:00. Aðgangur að tónleikunum er ókeypis og eru allir velkomnir.

17. nóvember 2022

Skólatónleikar á morgun

Skólatónleikar verða haldnir í Salnum á morgun, föstudaginn 18. nóvember, kl. 18:00. Aðgangur að tónleikunum er ókeypis og eru allir velkomnir.

6. nóvember 2022

Uppbrotsvika 7. til 11. nóvember

Vikuna 7.-11. nóvember verður mikið um að vera í Tónlistarskólanum. Markmiðið er að blása nemendum anda í brjóst með því kynna þeim sem fjölbreyttastar hliðar tónlistarnámsins og um leið að efla sveigjanleika í skólastarfinu. Nemendum boðið upp á tvöfalda þjónustu að lágmarki, sem byggist á fjölbreyttri hópavinnu.

Framkvæmdin verður með ýmsu sniði;

• Kennarar vinna með pörum/hópum innan síns nemendahóps.
• Kennarar vinna saman með sína nemendahópa.
• Skapandi hópavinna verður af ýmsu tagi innan vikulegrar stundaskrár. Ýmsir valkostir eru þar í boði, s.s. fjöldasamspil, þjálfun í kórsöng o.fl.

Nemendur eru hvattir til að nýta sér sem mest af því sem í boði verður.

30. október 2022

Skólatónleikar 31. október

Skólatónleikar verða haldnir í Salnum á morgun, mánudaginn 31. október, kl. 19:30. Aðgangur að tónleikunum er ókeypis og eru allir velkomnir.

16. október 2022

Frídagar og vetrarfrí

Dagana 20. til 25. október fellur kennsla niður í Tónlistarskólanum. Annars vegar er um að ræða frídaga í samræmi við ákvæði kjarasamninga um styttingu vinnuviku og hins vegar vetrarfrí sem fellur á sömu daga og vetarfrí í grunnskólum bæjarins.

1. september 2022

Upphaf kennslu í hóptímum

Af óviðráðanlegum ástæðum frestast upphaf kennslu í tónfræðagreinum, forskóla, Tónalandi og blokkflautuhópum um viku. Kennsla hefst í vikunni 12. til 16. september, og verða nemendur boðaðir í sinn fyrsta tíma.

24. ágúst 2022

Skólabyrjun

Nýtt starfsár Tónlistarskóla Kópavogs er að hefjast og verður fyrsti kennsludagur mánudagurinn 29. ágúst. Ekki verður formleg skólasetning en þess í stað eru hljóðfæranemendur boðaðir í skólann næstkomandi föstudag, 26. ágúst, þar sem kennarar taka á móti þeim og leggja drög að fyrstu tímum.

Kennsla í tónfræðagreinum, forskóla, Tónalandi og blokkflautuhópum hefst í vikunni 5. til 9. september, og verða nemendur boðaðir í sinn fyrsta tíma.

Nemendur eru beðnir um að senda stundaskrár sínar úr almennu skólunum á netfangið tonlistarskoli@tonlistarskoli.is sem allra fyrst eða skila þeim til kennarans eða á skrifstofu skólans á fostudaginn.

11. ágúst 2022

Nokkur pláss laus fyrir sex til átta ára nemendur

Skólinn getur bætt við sig nokkrum nemendum í nám fyrir sex til átta ára nemendur:

• Tónaland sem ætlað er sex ára nemendum.
• Forskóli sem ætlaður er sjö ára nemendum.
• Blokkflautuhópar sem ætlaðir eru átta ára nemendum.

Sjá nánar hér um nám í Tónalandi, Forskóla og Blokkflautuhópum.

Skrifstofa skólans veitir allar nánari upplýsingar.

19. júní 2022

Sumarlokun skrifstofu

Skrifstofa Tónlistarskóla Kópavogs verður opnuð eftir sumarleyfi miðvikudaginn 10. ágúst 2022.

30. maí 2022

Skólaslit í dag

Skólaslit Tónlistarskóla Kópavogs og afhending einkunna verða í dag, mánudaginn 30. maí, og hefst athöfnin í Salnum kl. 17:00.

Þeir sem ekki hafa tök á að vera við skólaslit geta sótt einkunnir á skrifstofu skólans frá þiðjudeginum 31. maí. Skrifstofan er opin frá kl. 12:00-16:00 virka daga. Lokun vegna sumarleyfa hefst 17. júní.

16. maí 2022

Framhaldsprófstónleikar Eyrúnar Engilbertsdóttur

Þriðjudaginn 17. maí heldur Eyrún Engilbertsdóttir, nemandi í Tónverinu, framhaldsprófstónleika í raftónlist. Tónleikarnir eru hluti framhaldsprófs Eyrúnar við skólann. Tónleikarnir verða í Salnum, Tónlistarhúsi Kópavogs, og hefjast kl. 21:00.

Á tónleikunum verða flutt fjölbreytt verk eftir Eyrúnu. Aðgangur að tónleikunum er ókeypis og eru allir velkomnir.

16. maí 2022

Framhaldsprófstónleikar Ásdísar Magdalenu Þorvaldsdóttur

Þriðjudaginn 17. maí heldur Ásdís Magdalena Þorvaldsdóttir, píanóleikari, framhaldsprófstónleika sína frá Tónlistarskóla Kópavogs. Tónleikarnir eru hluti framhaldsprófs Ásdísar Magdalenu við skólann. Tónleikarnir verða í Salnum, Tónlistarhúsi Kópavogs, og hefjast kl. 17:30. Kennari Ásdísar er Birna Hallgrímsdóttir.

Á efnisskránni eru verk eftir P.I. Tchaikovsky, F. Liszt, P. Glass, Elton John, J. Haydn og Sigfús Einarsson. Með Ásdísi Magdalenu syngur Berta Dröfn Ómarsdóttir, sópran.

Aðgangur að tónleikunum er ókeypis og eru allir velkomnir.

15. maí 2022

Tvennir skólatónleikar á morgun

Vortónleikar Tónversins verða haldnir í Salnum á morgun, mánudaginn 16. maí, kl. 20:00. Á sama tíma munu tónleikar söngdeildar skólans verða haldir í Kefas. Aðgangur að tónleikunum er ókeypis og eru allir velkomnir.

7. maí 2022

Framhaldsprófstónleikar Samúels Stefánssonar í Salnum

Mánudaginn 9. maí heldur Samúel Stefánsson, píanóleikari, framhaldsprófstónleika sína frá Tónlistarskóla Kópavogs. Tónleikarnir eru jafnframt síðasti hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs, og hefjast kl. 20:00. Kennari Samúels er Guðríður St. Sigurðardóttir.

Á efnisskránni eru verk eftir J.S. Bach, C. Debussy, S. Rachmaninov, Emil Thoroddsen, Jórunni Viðar, G. Fauré og G. Gershwin. Með Samúel koma fram Rannveig Sól Matthíasdóttir, sópran, og Brynja Finsen, píanóleikari.

Aðgangur að tónleikunum er ókeypis og eru allir velkomnir.

8. apríl 2022

Páskaleyfi

Síðsti kennsludagur fyrir páska er á morgun, laugardaginn 9. apríl. Kennsla að loknu páskaleyfi hefst samkvæmt stundaskrá þriðjudaginn 19. apríl. Tónlistarskóli Kópavogs óskar nemendum, forráðamönnum, kennurum og velunnurum skólans gleðilegra páska.

3. apríl 2022

Tvennir skólatónleikar í vikunni

Skólatónleikar verða haldnir í Salnum mánudaginn 4. apríl kl. 19:30. Einnig verða haldir skólatónleikar í Kefas þriðjudaginn 5. aprílkl. 18:00. Aðgangur að tónleikunum er ókeypis og eru allir velkomnir.

27. mars 2022

Skólatónleikar í Salnum á mánudag

Skólatónleikar verða haldnir í Salnum mánudaginn 28. mars kl. 19:30. Aðgangur að tónleikunum er ókeypis og eru allir velkomnir.

21. mars 2022

Þrennir skólatónleikar í vikunni

Skólatónleikar verða haldnir í Salnum mánudaginn 21. mars kl. 19:30 og miðvikudaginn 23. mars kl. 18:00. Einnig verða haldir skólatónleikar í Kefas fimmtudaginn 24. mars kl. 18:00. Aðgangur að tónleikunum er ókeypis og eru allir velkomnir.

13. mars 2022

Svæðistónleikar Nótunnar laugardaginn 19. mars

Svæðistónleikar Nótunnar, uppskeruhátíðar tónlistarskóla, fyrir Suðvestur- og Suðurkjördæmi fara fram í Salnum í Kópavogi laugardaginn 19. mars. Haldnir verða tvennir tónleikar, kl. 13:00 og 15:00 þar sem ungir tónlistarmenn frá ýmsum tónlistarskólum í þessum tveimur kjördæmum koma fram.

Fulltrúar Tónlistarskóla Kópavogs á fyrri tónleikunum eru Hrefna Vala Kristjánsdóttir, þverflautunemandi í framhaldsnámi og Flautukór Tónlistarskóla Kópavogs, sem skipaður er 14 þverflautunemendum í framhaldsnámi. Stjórnandi flautukórsins er Pamela De Sensi.

Á seinni tónleikunum kemur fram kammerhópur undir stjórn Eydísar Franzdóttur. Í hópnum eru píanóleikarar, hörpuleikarar, sellóleikari, þverflautuleikarar og klarínettuleikari og eru hljóðfæraleikararnir ýmist í grunn- eða miðnámi.

Aðgangur að tónleikunum er ókeypis og eru allir velkomnir á meðan húsrúm leyfir.

13. mars 2022

Skólatónleikar í Salnum á mánudag og miðvikudag

Skólatónleikar verða haldnir í Salnum mánudaginn 14. mars kl. 19:30 og miðvikudaginn 16. mars kl. 18:00. Aðgangur að tónleikunum er ókeypis og eru allir velkomnir.

6. mars 2022

Skólatónleikar í Salnum á mánudag og miðvikudag

Skólatónleikar verða haldnir í Salnum mánudaginn 7. mars kl. 19:30 og miðvikudaginn 9. mars kl. 18:00. Aðgangur að tónleikunum er ókeypis og eru allir velkomnir.

3. mars 2022

Skólatónleikar í Kefas í dag

Skólatónleikar verða haldnir í Kefas í dag, fimmtudaginn 3. mars, kl. 18:00. Aðgangur að tónleikunum er ókeypis og eru allir velkomnir.

27. febrúar 2022

Skólatónleikar í Salnum á þriðjudag

Skólatónleikar verða haldnir í Salnum þriðjudaginn 1. mars kl. 18:00. Aðgangur að tónleikunum er ókeypis og eru allir velkomnir.

27. febrúar 2022

Skólatónleikar Nótunnar á morgun

Á morgun, mánudaginn 28. febrúar , verða haldnir skólatónleikar í Salnum og hefjast þeir kl. 19:30. Á efnisskrá eru fjölbreytt atriði og koma nemendur á ýmsum námsstigum fram. Flytjendur keppa jafnframt um það að verða fulltrúar skólans á svæðishátíð Nótunnar sem fram fer í Salnum laugardaginn 19. mars næstkomandi. Aðgangur að tónleikunum er ókeypis og allir velkomnir.

14. febrúar 2022

Skólatónleikar í Salnum á morgun, þriðjudag

Skólatónleikar verða haldnir í Salnum þriðjudaginn 15. febrúar kl. 18:00. Aðgangur að tónleikunum er ókeypis og eru allir velkomnir.

14. febrúar 2022

Vetrarfrí á fimmtudag, föstudag og laugardag

Vakin er athygli á því að vetrarfrí verður í tónlistarskólanum fimmtudag, föstudag og laugardag (17., 18. og 19. febrúar) eins og í grunnskólum í Kópavogi.

8. janúar 2022

Ánægðir Rómarfarar eftir vel heppnaða tónleikaferð

Nemendur og kennarar Tónlistarskóla Kópavogs, sem tóku þátt í tónleikaferð til Rómar á Ítalíu í desember, eru mjög ánægðir með ferðina og viðtökur á tónleikum sem nemendurnir komu fram á. Nemendahópurinn hélt þrenna tónleika í ferðinni, þar á meðal í Accademica Sal í Santa Cecilia. Efri myndin hér að neðan er frá þeim tónleikum. Á neðri myndinni er hópurinn staddur á götu í Róm.

Sagt er frá ferðinni í skemmtilegri frétt í Morgunblaðinu í dag. Með því að smella hér má sjá fréttina.

4. janúar 2022

Upphaf vorannar

Kennsla á vorönn í Tónlistarskóla Kópavogs hefst í dag, 4. janúar. Skólastarf getur að stórum hluta farið fram með eðlilegum hætti, en þó þarf að gera ráðstafanir sem taka tillit til gildandi takmarkana. Þær felast í því að kennsla í stórum hópum, s.s. í Tónalandi, í forskóla og á hljómsveitaræfingum fellur niður fyrstu tvær kennsluvikurnar. Önnur hljóðfæra- og söngkennsla og kennsla í tónfræðagreinum verður hins vegar að mestu með hefðbundnum hætti.

Foreldrar sem fylgja börnum sínum í skólann eru beðnir að gæta fyllstu varúðar og forðast að dvelja á göngum skólans. Áfram leggjum við áherslu á hinar einstaklingsbundnu sóttvarnir við nemendur og starfsfólk; handþvott, handspritt, grímunotkun og að virða nálægðarmörk.

Bestu óskir um gleðilegt nýtt ár!